Depositphotos 150289946 XL

Lokka við ókeypis faldarum

08. apríl. 2024 | Tíðindi | KT- og samskifti

Við jøvnum millumbilum hevur ein donsk fyritøka lokka føroyskar fyritøkur, við tilboði um, at fáa ein ókeypis faldara, ið tó als ikki er ókeypis. Nú fyritøkan aftur bjóðar hesa tænastu, er neyðugt hjá felagnum Samskifti at ávara, enn eina ferð.

Tí talan er ikki um ein ókeypis faldara, sum lovað. Útlendska fyritøkan, sum framleiðir faldaran, skal hava ein lista við tínum veitarum, sum so fáa tilboðið um at lýsa í tínum faldara, og sostatt gjalda fyri faldaran. Kostnaðurin er tí fleirfaldaður, tað ið hann hevði verið, um tú keypti tín egna faldara frá føroyskum veitara.

Sølufólkini hjá fyritøkuni seta seg síðani – í tínum navni – í samband við tínar undirveitarar. Í byrjanini er tónin vinaligur og eggjar til samstarv og stuðul. Eydnast tað ikki, so verður tónin hvassari. Dømir hava verið um, at veitarar eru hóttir, óbeinleiðis skrivliga og beinleiðis munnliga.

Í fleiri umførum hevur Samskifti víst á hendan trupulleikan, og vanliga hevur hetta steðga virkseminum hjá útlendsku sølufólkunum, men nú eru tey aftur at síggja á føroyska marknaðinum.

Nú søgan endurtekur seg, skal felagið aftur minna samstarvspartar sínar um ikki at lata seg lokka av slíkum tilboðum.

Annað á breddanum

  1. Varandi Vinna: Eru vit á rættari og góðari leið?

    Fer SEV yvirhøvur at náa málinum um 100% grøna elorku á landi í 2030? Eru vit á rættari leið, ella gongur tað ov seint? Millum annað hetta varð umrøtt, tá ið netverksfundir vóru á skránni í netverkinum Varandi Vinna í farnu viku.

    10. Februar. 2025 | Burðardygd
    Frammund
  2. Orkuskiftið í Føroyum: Tað gongur ov seint

    Vit mugu seta ferð á orkuskiftið nú. Tað staðfesta tær 29 limafyritøkurnar í netverkinum Varandi Vinnu, sum halda, at tað gongur ov seint, og at politiska skipanin má geva orkuskiftinum hægstu raðfesting.

    10. Februar. 2025 | Burðardygd
    IMG 0356
  3. Talgildu Føroyar 2.0 skal gagna samfelagnum sum heild

    Í hoyringarsvari til lógaruppskotið um Talgildu Føroyar 2.0 mælir KT-felagið til at seta brúkararáð á stovn, sum kann tryggja, at brúkaravinsemi verður raðfest bæði fyri borgara og vinnu.

    10. Februar. 2025
    Skærmbillede 2023 05 30 120113