Fríggjadagin var ársaðalfundur í Føroya Handverksmeistarafelag. Fyri vali stóðu Petur Frank Joensen og Sjúrður Holm. Báðir blivu afturvaldir

Á fyrsta nevndarfundi eftir aðalfundin, skipaði nevndin í Føroya Handverksmeistarafelag seg eins og frammanundan við Magnus Magnussen sum formanni og Petur Frank Joensen sum næstformanni. Í nevndini sita eisini Dávur Høgnason, Jens Kristian Haraldsen og Sjúrður Holm

Føroya Handverksmeistarafelag arbeiðir fyri umstøðunum og áhugamálunum hjá handverksmeistarum um alt landið. Felagið vegleiðir limunum í sáttmálaspurningum og viðvíkjandi byggimálum og útboðum. Føroya Handverksmeistareafelag umboðar øll handverk og arbeiðir fyri at betra um tilgongdina av lærlingum.

Felagið er meginfelag fyri í løtuni sjey lokalfeløg, sum eru:

Havnar Handverksmeistarafelag

Meistarafelagið í Klaksvík

Eysturoyar Handverksmeistarafelag

Vága Handverksmeistarafelag

Vágs Handverksmeistarafelag

Tvøroyrar Meistarafelag

Suðuroyar Meistarafelag