Oljuvinnufelagið, Oljutingið og Miðlahúsið skipað í felag fyri ráðstevnuni.
Enn eru nøkur pláss eftir til oljuráðstevnuna 2010. Á skránni eru fleiri áhugaverdir fyrilestrar. M.a. fer umboð fyri ENI at greiða frá Anne Marie brunninum, DONG fer at greiða frá oljuleiting vestan fyri Hetland og Morten Hahn-Pedersen fer at greiða frá Esbjerg fyri og eftir oljuna.
Føroysku luttakararnir verða stjórin á Jarðfeingi, Petur Joensen, fyrrverandi formaðurin í Oljuráðleggingarnevndini, Árni Olafsson og Martin Heinesen, leiðari fyri landgrunsverkætlanina.
Ráðstevnan byrjar kl. 8.30 og verður sett av Johan Dahl, landsstýrismanni við Oljumálum.
Aftaná tiltakið á Hotel Hafnia verður hugnaløta í Miðlahúsinum/Miðlagarðinum við tónleiki og onkrum løttum afturvið.
Kostnaður fyri tiltakið er 900 kr fyri limir í Oljuvinnufelagum og Oljutinginum og 1.250 kr fyri ikki limir.
