Ferðavinnustevnan verður hildin fríggjadagin 8. november og til ber at kunna seg um skránna.
Á Ferðavinnustevnuni verða í ár bæði føroyskir og útlendskir fyrilestrarhaldarar, sum fara at leggja fram um ymisk evni innan ferðavinnu. Á skránni vera millum annað Anders Lund Madsen, útvarps- og sjónvarpsvertur, Rutt Hjelm frá Sydhavnens Vinbar & Vinbutik, Tóra Jóhannusardóttir, Lunnar, og Magni Mohr, Fróðskaparsetur Føroya. Vit fara at hoyra fyrilestrahaldararnar hugleiða og greiða frá um framtíðina hjá føroysku ferðavinnuni, vertskap, kundaferð og vinnuferðavinnu.
Kl. 15.30 SKRÁSETING
Kl. 15.50 VÆLKOMIN
Kl. 15.55 Skapa talgildar upplivingar
Tóra Jóhannusardóttir, Lunnar
Kl.. 16.15 Vísindaligar ráðstevnur í Føroyum
Magni Mohr, Fróðskaparsetur Føroya
Kl. 16.35 STEÐGUR
Kl. 17.10 Frá Pandemi til Gazelle - Ein vínferð
Rutt Hjelm, Sydhavnens Vinbar & Butik
Kl. 17.30 Færøsk Turismes Fremtid
Anders Lund Madsen
Kl. 18.00 RÁÐSTEVNAN ENDAR
- og veitslan byrjar
Ferðavinnustevna verður í ár hildin á Hotel Føroyum, og verður sum vant skipað við ráðstevnu um dagin og veitslu um kvøldið, tá eisini heiðursbrøv í ferðavinnuni verða handað. Heiðursbrøv verða handað ársins ferðavinnufólki, ársins eldsál og ársins nýbroti.
Seinnapartstiltakið er frá kl. 15.30 – 18.00
Veitslan er frá kl. 18.00 – 00.00
Luttøkukostnaður:
Limir í Ferðavinnufelagnum:
- Kr. 595,- fyri hvønn luttakara um dagin
- Kr. 995,- fyri luttøku um dagin og kvøldið
Luttakarar, sum ikki eru limir í Ferðavinnufelagnum:
- Kr. 995,- fyri hvønn luttakara um dagin
- Kr. 1.995,- fyri luttøku um dagin og kvøldið
Ferðavinnustevnan er fyri øll, sum virka í ferðavinnuni.
