NámX-næmingar fingu fríggjadagin diplom eftir níggju vikur við frálæru í ferðavinnu

Fríggjadagin í farnu viku varð skipað fyri diplomhandan í Vinnuhúsinum, har næmingar á Íverksetanar- og ferðavinnubreytini á NámX fingu handað prógv.

Í níggju vikur hava næmingarnir fingið serliga frálæru um ferðavinnu frá fólki úr vinnuni, sum hava deilt royndir og vitan við næmingarnar.

Skeiðið er skipað í tøttum samstarvi millum NámX, Ferðavinnufelagið og Visit Faroe Islands og hevur givið næmingunum eina dygdargóða innføring í ferðavinnuna.

Á hátíðarhaldinum vóru næmingar, lærarar, skúlaleiðsla, foreldur, skeiðshaldarar og umboð fyri Ferðavinnufelagið og Visit Faroe Islands. Tónleikabreytin á NámX setti sín dám á tiltakið við tónleiki.

Ferðavinnufelagið fegnast um góða samstarvið við NámX og ynskir øllum næmingunum hjartaliga til lukku við diplomunum.

Her eru myndir frá diplomhandanini: