Nú er møguleiki at søkja um stuðul frá NATA (North Atlantic Tourism Association). Tað ber til at søkja í bólkunum innan ferðavinnumenning og marknaðarførslu, og ferðastðul.
NATA er samstarvsavtala millum ferðavinnuráðharrarnar í Grønlandi, Íslandi og Føroyum. Endamálið er at menna samstarv um felags áhugamál í ferðavinnu og at styrkja ferðamøguleikarnar og tað mentanarliga samskiftið millum hesi trý londini.
Umsóknarfreistin er mánadagin 10. september 2012.
NATA hevur fingið eina nýggja heimasíðu, ið er bæði á donskum og enskum. Ein kann finna tær á www.nata.fo ella www.northatlantic-islands.com.
Á hesum heimasíðum eru tvey oyðubløð, har ein kann søkja um stuðul frá NATA. Oyðubløðini eita á donskum “turismeudvikling og markedsføring”, og “rejstøtte”.
Nærri upplýsingar um NATA og stuðulsmøguleikarnar fáast við at lesa okkara vegleiðing ella venda sær til Mette Kibsgaard, samskipari hjá NATA á mette@industry.fo.
Umsøkjarar fáa svar í seinasta lagi 15. oktober 2012.
