Higartil hava 25 fyritøkur teknað seg til netverkið, og enn ber til at gerast partur av netverkinum

Varandi Vinna er eitt netverk í Vinnuhúsinum, har fyritøkur kunnu samstarva um førleikamenning og um at skapa betri karmar fyri burðardygd. Tað er Føroya Arbeiðsgevarafelag, sum hevur tikið stig til at stovna netverkið.

Tað er stórur munur á, hvussu langt fyritøkur eru komnar á burðardygdarøkinum og fyri at lofta ymiska tørvinum, verður netverkið skipað í tveimum:

• Varandi Vinna, ið er ætlað fyritøkum, ið arbeiða miðvíst við burðardygd
• Varandi Vinna - innleiðsla er til fyritøkur, ið eru í holt við at fóta sær á økinum

Fyrstu fundirnir
Fyrstu fundirnir í Varandi Vinnu og Varandi Vinnu – innleiðslu verða ávikavist 27. og 28. november. Á hesum fundum verður kósin løgd fyri komandi árið.

Meiri kunning um Varandi Vinnu og tilmelding til netverkið er at finna her: https://www.industry.fo/burdardygd/burdardygd/varandi-vinna