KT-felagið hevði aðalfund í farnu viku. Tá stóðu Ulla Joensen og Fróði Magnussen fyri vali. Eisini Stóð Gudny Langgaard fyri vali sum tiltakslimur. Øll blivu afturvald.

Eftir Aðalfundin skipaði nevndin seg á sama hátt sum árðenn við Ullu Joensen sum forkvinnu. Í  nevndini eru eisini Fróði Magnussen, Ólavur Ellefsen, Jan Ziskasen, Snæbjørn Jacobsen og Gudny Langgaard.

KT-felagið er vinnugreinafelag fyri allar KT og telefyritøkur. Felagið arbeiðir miðvíst fyri at betra yvirskipaðu karmarnar hjá KT-vinnuni og at fáa Føroyar í fremstu røð, tá tað snýr seg um KT. Felagið er bæði fyri tey, ið virka á føroyska marknaðinum, og tey, ið royna seg við útflutningi.

Seinastu árini er serligur dentur lagdur á trý høvuðsøki:

• Keyp FøroysKT
• Útbúgving
• Talgilding