Á nevndarfundi fríggjadagin 26. juni 2009 skipaði nevndin í Samskifti (fyrr Reklamufelagið) seg við Høgna Rasmussen sum formanni. Hetta er sostatt sami formaður sum áðrenn ársaðalfundin 12. juni.  

Í nevndini sita annars Niels Uni Dam og Torkil Johannesen. Úr nevndini fór Gunvá við Keldu, ið ikki stillaði uppaftur.

Nýggja nevndin fer tað komandi tíðarskeiðið at arbeiða fyri at fáa fleiri virki, sum arbeiða við samskifti og samskiftisráðgeving, at gerast limir, og at gera vart við samskiftisvinnuna sum eina munandi og týdningarmikla vinnu í Føroyum.