Í morgun og aftur í morgin fortelja handverkarar og onnur yrkislærd um teir mongu møguleikarnir, sum eru við at fara í læru.

Tiltakið er á Reinsarínum og hølunum har umkring fyri allar í áttunda flokkar í Tórshavnar kommunu. Næmingarnir savnast fyri at hoyra um møguleikanar at gerast handverkari. Næmingarnir vóru býttir í sjey bólkar og fóru síðani inn í hvør sítt høli, har tvey og tvey yrkislærd tóku ímóti teimum og greiddu frá um hvussu tey høvdu funnið fram til sína yrkisleið.

Í dag vóru tey av Argjum, Hoyvík, Kollafirði og Eysturskúlanum. Í morgin vitja Sankta Frans, Løgmannabreyt og skúlin á Fløtum.

Hvat skal mann velja?

Tað kann uttan iva vera trupult hjá einum, sum gongur í áttanda flokki at vita hvør yrkisleið er tann rætta. Tiltakið “Greið frá tínum yrki”, hevur til endamáls at geva næmingunum innlit í hvat tað er at fara í læru. At fortelja hava 14 ymisk yrkislærd bjóða seg fram:

Tiltakið er fyriskipað av Havnar Handverksmeistarafelag saman við Handilsvinnufelagnum, Ferðavinnufelagnum og Havbúðnaðarfelagnum í samstarvi við Yrkisdepilin, Tórshavnar Kommunu, Klippfisk og Miðlahúsið.