NORA, sum er Norrønt Atlantssamstarv, søkir nú eftir verkætlanaruppskotum til samstarvsverkætlanir í NORA-økinum (Føroyar-Grønland-Ísland-Strandanoreg). NORA kann í mesta lagi játta 500.000 krónur í stuðli um árið í trý ár, tvs. tilsaman 1,5 millión krónur fyri hvørja verkætlan. Tær verkætlanir, sum hava fingið stuðul higartil, eru sera ymiskar og liggja innanfyri nógv ymisk øki, men felags fyri tær allar er, at samstarv og nýskapan er ein týdningarmikil partur av umsóknini.

Serligu átaksøkini hjá NORA í strategiætlanini frá 2012 eru:

• at gera sterkar síður sterkari

• at skapa nýggjar møguleikar

• at vinna á teimum stóru frástøðunum

Serliga raðfestar í ár verða umsóknir, sum fylgja evninum frá NORA Region Conference 2013: Nordatlanten í medierne – medierne i Nordatlanten.

Umsóknarfreistin er 3. mars 2014.

Til ber at lesa meira á heimasíðuni hjá NORA www.nora.fo