Aliráðstevnan verður hildin á Hotel Føroyum fríggjadagin 1.mars. Nú ber til at melda til ráðstevnuna á heimasíðuni hjá Vinnuhúsinum

Á árligu aliráðstevnuni hittast fólk í og kring alivinnuna at fáa nýggja vitan, íblástur og at netverka. Eisini verður gjørt status yvir árið í fór, og hugt verður eftir avbjóðingum og møguleikum, sum alivinnan hevur frameftir.

Á skránni verða fyrilestrar um ymisk evni frá bæði føroyskum og útlendskum framløguhaldarum. Eins og áður, eru góðir møguleikar at hitta fólk í og kring vinnuna og at netverka, bæði til tiltakið um dagin og í samband við borðhaldið um kvøldið.

Gjørt skal verða vart við, at framløgurnar á Aliráðstevnuni 2024 ikki verða simultantulkaðar til enskt mál.

Tað ber til at melda til Aliráðstevnuna 2024 á heimasíðuni hjá Vinnuhúsinum her:

Seinasta freist at melda seg til er týsdagin 27. februar.