Í farnu viku var heimleiðistiltak í Vinnuhúsinum um nýggju taksonomiina hjá ES fyri burðardygd
Tað var Idar Kreutzer, forstjóri í Finans Norge, sum hevur drúgvar royndir og holla vitan innan arbeiði við burðardygd, sum greiddi frá taksonomiini, og hví tær reglur, sum ES setur í verk fyri at tryggja ein burðardyggan búskap, eisini eru viðkomandi fyri Føroyar, og hvørja ávirkan tær kunnu fáa á okkum og okkara virksemi.
Hetta var eitt av tiltøkunum, sum Vinnuhúsið skipar fyri í ár, har burðardyggur rakstur í fyritøkum er á skrá.
Eftir ætlan verða fýra onnur tílík tiltøk á skrá í ár. Tað næsta verður fríggjadagin 25. mars, tá verður evnið ‘Developing a sustainability plan’. Fyrilesturin verður á enskum.
