18. apríl hevði Samskifti aðalfund í Vinnuhúsinum. Nýggjur formaður í Samskifti er Michael Koba
Niels Uni Dam stillaði ikki uppaftur sum formaður, og í hansara stað varð Michael Koba valdur. Nevndin í Samskifti verður vald fyri eitt ár í senn og nevndin hevur nú skipað seg soleiðis:
- Michael Koba, formaður
- Rókur Jákupsson Jakobsen, næstformaður
- Tór Verland Johansen, nevndarlimur
- Niels Uni Dam, nevndarlimur
Samskifti – sum kallaðist Reklamufelagið fram til 2009 – varð stovnað í 2002. Endamál felagsins er at savna føroysku lýsingarfyritøkurnar og taka sær av teirra yrkisligu, felagsligu og fíggjarligu áhugamálum. Flestu føroysku lýsingarfyritøkurnar eru limir í Samskifti.
Samskifti arbeiðir fyri, at lýsingarfyritøkur skulu hava góðar og javnbjóðis treytir at virka undir. Felagið vil, at útboð eru gjøgnumskygd og væl úr hondum greidd.
