Føroya Arbeiðsgevarafelag og Føroya Handverksmeistarafelag undirskrivaðu í gjárskvøldið semju við Landsfelag Handverkaranna og Føroya Handverkarafelag um nýggjan 2-ára sáttmála.

Semjan hevur við sær eina lønarhækking á 1,8% 1. oktober 2010 og 1,81% 1. oktober 2011. Semjan er sostatt á sama støði sum semjan, ið varð undirskrivað við arbeiðarafeløgini í vár.

Harafturat var eisini semja undirskrivað við Føroya Handverkarafelag um flogmekanikarasáttmálan.