Sóleyð Hansen er nýggjur nevndarlimur í Handilsvinnufelagnum

Fríggjadagin tann 24. mai var eykaaðalfundur í Handilsvinnufelagnum. Á fundinum skuldu tveir tiltakslimir veljast.  Bergur R. Dam Jensen hevur tikið seg úr nevndini, og tí slapp fyrstvaldi tiltakslimurin í nevndina.

Sóleyð fyrstvald
Eftir valið gjørdist greitt, at Sóleyð Hansen bleiv fyrstvald og tekur tí við sum nevndarlimur í felagnum. Umframt Sóleyð Hansen vóru Hallur Djurhuus og Karla Egholm uppstillaði. Næstvaldur tiltakslimur bleiv Hallur Djurhuus, og hann tekur hann við sum tiltakslimur í Handilsvinnufelagnum.

Nevndin í Handilsvinnufelagnum er tí sett saman við Eyðvør Berg sum forkvinnu, Claus V. Christensen sum næstformanni og Gunnar Mohr, Hilmar Sam Lamhauge og Sóleyð Hansen sum nevndarlimum.

Nevndin takkar Bergi R. Dam Jensen fyri arbeiðið í Handilsvinnufelagnum.