Føroya Arbeiðsgevarafelag og Føroysk Miðlafólk hava gjørt semju um nýggjan tvey ára sáttmála við lønarhækkingum á 4,32% og 3,87%
Fríggjadagin 31. oktober skrivaðu Føroya Arbeiðsgevarafelag og Føroysk Miðlafólk undir nýggjan tvey ára sáttmála fyri miðlafólk í privata geiranum. Partarnir eru samdir um eina lønarhækking á 4,32% frá 1. november 2025 og eina lønarhækking á 3,87% frá 1. november 2026.
Talan er um sama lønarkarm, sum semja hevur verið um á privata arbeiðsmarknaðinum í hesum samráðingartíðarskeiði. Hetta var samstundis seinasta samráðingin í hesum samráðingarumfarinum hjá Føroya Arbeiðsgevarafelag.
Alvi Hjelm fyri Føroya Arbeiðsgevarafelag og Jón Brian Hvidtfeldt fyri Føroysk Miðlafólk skrivaðu undir semjuna.
