Liselotte Lyngsø fer á Vinnudegnum 2009 at halda fyrilestur undir heitinum “Innovation i krisetider”. Liselotte Lyngsø er futurist og altjóða serfrøðingur innan nýskapan og futurologi. Frá 1996-2003 arbeiddi hon sum granskingaleiðar í Institut fyri Fremtidsforskning í Keypmannahavn. Eftir hetta varð hon stjóri á Fahrenheit 212, sum er ein hugskotsmenningarfyritøka, sum lýsingarfyritøkan Saatchi eigur.

Liselotte Lyngsø eigur í dag part av ráðgevingarfyritøkuni Future Navigator, sum leggur seg eftir at menna hugskot, sum eru bygd á framtíðina. Harafturat er hon nevndarlimur í fleiri fyritøkum, sum virka innan sama øki.

Liselotte Lyngsø kennir sostatt til hugskotmenning bæði ástøðiliga og praktiskt. Hon er ein vældámdur og professionellur fyrilestrahaldari, sum uttan iva fer at veita okkum ein gevandi tíma á Vinnudegnum.