Patrick Delaney er víðagitin innan MICE (Meetings, Incentives, Conferences og Exhibitions )og ferðast í dag kring heimin at halda fyrilestrar og skeið um MICE.
Patrick Delaney er útbúgvin í ’Hospitality Managament’ á Dublin Institute of Technology. Patrick hevur starvast á hotellum í Írlandi og Canada. Millum annað hevur hann starvast sum sølu- og marknaðarstjóri fyri eitt 5 stjørnað luksus hotelbrand í Írlandi. Hann hevur eisini starvast fyri írska ferðaráðið í 11 ár í USA, har hann stóð á odda fyri sølu og marknaðarføring.
Í 1993 stovnaði Patrick Delaney saman við Pádraic Gilligan fyritøkuna, sum í dag verður nevnd Ovation Global DMC. Í 2007 var fyritøkan latin í hendurnar hjá MCI Group og hevur í dag skrivstovur kring allan heim.
Patrick Delaney og Pádraic Gilligan hava í dag fyritøkuna SoolNua, sum er ein MICE stova, sum hjálpir ferðamálum, hotellum og øðrum við strategi, marknaðarførslu og venjing við støði í teirra serkunnleika og førandi leikluti á økinum.
Patrick Delaney hevur fingið nógvar heiðurslønir fyri sítt arbeiði og er ein umbiðin fyrilestrahaldari, og Ferðavinnufelagið er sera fegið um, at hann verður á skránni til Ferðavinnustevnuna 19. november í Kongshøll.
Les meir um Ferðavinnustevnuna og tilnevningar til heiðursbrøv her.
Luttøkukostnaður:
Limir í Ferðavinnufelagnum:
- Kr. 700,- fyri hvønn luttakara um dagin
- Kr. 1.300,- fyri luttøku um dagin og kvøldið
Luttakarar sum ikki eru limir í Ferðavinnufelagnum:
- Kr. 1.100,- fyri hvønn luttakara um dagin
- Kr. 2.100,- fyri luttøku um dagin og kvøldið
Ferðavinnustevnan er fyri øll, sum virka í ferðavinnuni.
Tilmeldingarfreistin er 17. november 2021.
Gevið gætur, at krøv fara at vera sett til tey tilmeldaðu á Ferðavinnustevnuni viðvíkjandi prógvi fyri koppseting ella negativari koronukanning.
