Eurorentan skal niður á 2,0 pct. og rentan í USA niður í 0,5 pct.
Ídnaðarlondini skulu lækka renturnar og skattirnar enn meira, um tær negativu avleiðingarnar av kreppuni skulu minkast.
Undir vanligum umstøðum eru pengapolitisk inntriv at fyritrekkja fram um fíggjarpolitisk inntriv, tá ynski er at skapa búskaparstabilitet á makro støði. Sambært hálvársrapportini hjá OECD, er ikki talan um vanligar umstøður.
Sambært OECD fara í 2009 teir størstu búskapirnir í heiminum at uppliva búskaparliga afturgongd, ið fer at hava við sær, at milliónir av fólkum vera arbeiðsleys.
Ongin vøkstur enn
”Gaman í hava politisk inntriv/tiltøk avmarkað ein ávísan panikk, men tann búskaparliga óvissan er óvanliga stór, og búskaparvøksturin fer í besta føri at byrja aftur í øðrum hálvárið 2009”, greiður OECD frá.
Øll 30 OECD londini, írokna Danmark, fara at uppliva fallandi búskaparvøkstur í 2009 svarandi til 0,4 pct. móti einum vøkstri á 1,4 pct. í ár. Heimsins størsti búskapur, USA, fer at merkja eina afturgongd uppá 0,9 pct. Í 2009.
Loysnin er skattalækkingar
OECD hevur vanliga havt ta áskoðan, at stjórnir í krepputíðum eiga at seta ferð á búskapin gjøgnum almennar íløgur í m.a. infrakervi, men í verandi støðu metir OECD, at ein betri loysn er, um hetta verður gjørt gjøgnum skattalækkingar.
Evropa samveldi hevur júst almannakunngjørt eina ætlan í sambandi við kreppuna, ið hevur til endamáls at fáa ferð á búskapin. Stórabretland hevur júst kunngjørt, at MVG-satsurin verður settur niður frá 17,5 til 15 pct. í eini ætlan at fáa ferð á privatnýtsluna. Í USA hevur tann komandi forsetin Barack Obama heitt á, at ein hjálparpakki, ið hevur til endamáls at skapa meira enn tvær milliónir nýggj størv, verður innførdur.
Rentan skal eisini lækkast
OECD hevur ta áskoðan, at tann amerikanski tjóðbankin um neyðugt eigur at lækka rentuna við 0,5 prosentstigum til 0,5 prosent í byrjanini av 2009. Tann evropeiski tjóðbankin eigur at lækka rentuna frá 3,25 til 2,0 pct, meðan Bank of England eigur at lækka rentuna frá 3,0 til 2,0 pct.
Kelda: JyllandsPosten
