Sáttmálar um keyp og sølu av olju til veiting í oktober eru vorðnir munandi dýrari teir seinastu 10 mánaðirnar.

Ein tunna av amerikansku WTI olju til veiting í oktober kostar í Asia í morgun 74,10 dollars. Hetta er 21 cent meira enn fríggjadagin, tá hon hækkaði við 1,3 prosentum.

Fleiri orsøkir eru til, at prísirnir á WTI futures eru øktir. Oljan verður keypt og seld í dollarum, og er hesin fallin. Harafturat eru vónirnar til heimsbúskapin bjartari nú, enn tær hava veri teir seinastu mánaðirnar.

Prísurin á WTI olju sáttmálum var hægstur tann 11. juli 2008, tá ein tunna kostaði 147,27 dollars, áðrenn prísurin fall niður á 32,40 dollars tann 19 desember í 2008.

Hetta er áleið hægsta støði síðani 21. oktober 2008.