5. og 6. mars fær Føroyar almenna vitjan úr Íslandi. Í íslendska ferðalagnum eru ráharrarnir  Steingrímur Sigfússon og Katrín Júlíusdóttir, sum fara at heilsa starvsfeløgunum sínum Jørgen Niclasen og Johan Dahl.

Á skránni er eisini ein ráðstevna har orkumál, ferðavinna og kreativar vinnur eru á skránni. Endamálið við ráðstevnuni er at fremja samstarv millum londini eisini innan hesi økir.

Føroykst íslendskt handilskamar hevur verið við til at fyrireika almennu vitjanina úr Íslandi og ráðstevnuna.

Skrá fyri tiltakið liggur á heimasíðunum hjá Vinnumálaráðnum www.vmr.fo og Norðurlandahúsinum www.nlh.fo