Sitandi nevnd heldur áfram óbroytt.
Reiðarafelagið fyri Farmaskip hevði hósdagin 15. apríl 2010 ársaðalfund. Í frágreiðing síni fegnaðist formaður felagsins, Annfinn V. Hansen, um, at FAS-skipanin er vorðin broytt, og at hon sær út til at virka væl, hóast nakað enn manglar at fáa uppá pláss.
Fyri vali á fundinum stóðu Annfinn V. Hansen, Kaj M. Petersen og Jens Meinhard Rasmussen. Allir tóku við afturvali, og vóru teir allir valdir.
Nevndin í felagnum sær soleiðis út. Annfinn V. Hansen, Kaj M. Petersen, Jens Meinhard Rasmussen, Gunnbjørn Joensen og Rúni V. Poulsen. Nevndin skipaði seg eftir aðalfundin við Annfinn V. Hansen sum formanni og Kaj M. Petersen sum næstformanni, og heldur sostatt áfram óbroytt.
