Mánadagin 20. januar byrjaðu samráðingarnar fyri skiparar og navigatørar á handilsskipum, tá ið partarnir handaðu hvørjum øðrum krøvini til samráðingarnar um nýggjar sáttmálar fyri handilsskip.

Samráðingarfundur var í farnu viku, og í februar hittast partarnir aftur at samráðast víðari.

Sáttmálarnir fyri handilsskip við tey trý manningarfeløgini ganga út 1. mars 2025. Samráðingarnar við Maskinmeistarafelagið eru byrjaðar, og samráðingarnar við Fiskimannafelagið byrja mikudagin 29. januar.