Føroya Arbeiðsgevarafelag og YTF hava handað hvørjum øðrum krøv í sambandi við komandi sáttmálasamráðingar
Mikudagin 14. mai hittust Føroya Arbeiðsgevarafelag og YTF, sum er yrkisfelagið hjá tryggingarfeløgum, fíggjarstovnum og KT-fyritøkum, til innleiðandi fund til tess at skipa komandi samráðingarnar.
Á fundinum settu partarnir fram síni krøv í sambandi við nýggja sáttmálan fyri Elektron.
Verandi sáttmáli gongur út 31. mai 2025, og samráðingarnar halda fram fríggjadagin 23. mai, tá ið næsti fundur er á skránni. Samráðingarleiðari fyri Føroya Arbeiðsgevarafelag er Jórun Gardar.
Til ber at lesa meira um mannagongdir o.l. í sambandi við sáttmálasamráðingar her.
