Tað er felagið Samskifti, sum hevur bjóðað teimum báðum á Gentuvesinum at viðgera føroysk lýsingarátøk til ung. Tað eru Rannvør Fríða Eyðunsdóttir og Annika Dalsgaard, sum hava væl umtóktu ungdómssendingina Gentuvesið. Í sendingini skipa tær panel við gestum, har alskyns spurningar frá lurtarum verða viðgjørdir.

Samskifti á Gentuvesinum verður skipað á sama hátt. Útvarpsvertirnir koma at siga sína hugsan um lýsingarátøkini, sum føroysku samskiftisfyritøkurnar hava gjørt, har ung eru málbólkurin.

Heimleiðistiltakið verður fríggjadagin 28. januar kl. 15 í Vinnuhúsinum. Tiltakið er fyri limir í Samskifti.