Fríggjadagin var væleydnaða tiltakið Samskifti á Gentuvesinum. Flestu limirnir luttóku, tá tær báðar á Gentuvesinum viðgjørdu lýsingarátøk til ung.
Tiltakið varð skipað soleiðis, at tær báðar Rannvør og Annika høvdu fingið fýra ymiskar lýsingar sendandi frammanundan. Tveir filmar, ein plakat og eitt SoMe átak. Síðani blivu hesar lýsingarnar viðgjørdar í mun til ung sum málbólkur.
Tað er eingin loyna, at trend millum ung flyta seg skjótt. Tí eru lýsingar til ung nakað av tí truplasta at framleiða. Tær báðar á Gentuvesinum greiddu frá, hvussu tær upplivdu lýsingarnar. Nógvir spurningar vóru millum áhoyrararnar, sum týðiliga fegnaðust um erlig og grundað ummæli.
