Hvussu kunnu vit fyribyrgja strongd í gerandisdegi við nógvari ferð? Og hvussu verður marknaðarføringslógin bjóðað av í Føroyum? Hesir spurningar vórðu svaraðir, tá ið skipað varð fyri tiltaki í Vinnuhúsinum

Fríggjadagin í farnu viku varð skipað fyri heimleiðstiltaki í Vinnuhúsinum. Tað var vinnugreinafelagið Samskifti, sum skipaði fyri, og evnini vóru alt frá kreativiteti, strongd og lóggávu innan marknaðarføring.

Fitt av fólki var komið at lurta, tá ið Michael Koba, Pál Weihe og Rannvá Sólheim høvdu fyrilestur um ávikavist heilan í íverksetan og skapan, strongd í gerandisdegi við nógvari ferð og viðkomandi greinum í marknaðarføringslógini, sum ofta verða avbjóðaðar í føroyskari marknaðarføring.

Stutt um Samskifti
Samskifti skipar javnan fyri heimleiðstiltøkum fyri limum felagsins. Endamálið við felagnum eins væl og tiltøkunum, sum felagið skipar fyri, er at geva íblástur og kunning til samskiftisvinnuna og taka sær av teirra yrkisligu, felagsligu og fíggjarligu áhugamálum.