Føroya Arbeiðsgevarafelag og Starvsmannafelagið skrivaðu í dag, 21. december 2010, undir nýggjar 2-ára sáttmálar fyri Posta og Føroya Tele. Sáttmálarnir eru galdandi frá 1. januar 2011 til 1. januar 2013.

Sáttmálarnir hava við sær eina lønarhækking á 1,25 % hin 1. januar 2011 og 2,37 % hin 1. januar 2012. Hækkingarnar eru sostatt á sama støði, sum teir sáttmálar Føroya Arbeiðsgevarafelag hevur gjørt higartil í hesi samráðingarrunduni, sum byrjaði við arbeiðarasáttmálunum í vár.