Áhugin fyri Vinnudegnum er aftur í ár stórur, og væntandi verða knapt 400 føroysk vinnulívsfólk og fólk, sum hava tilknýti til føroyska vinnu, í Norðurlandahúsinum fríggjadagin 27. september.

Skráin fyri Vinnudagin 2013 er fjølbroytt við áhugaverdum fyrilestrum, spennandi kjaki og sjálvandi avdúkingini av Ársins Virki og Ársins Átaki.

Á skránni eru  fyrilestrar við Jesper Møller, forstjóra í Toms Gruppen, Geir Johan Bakke, forstjóra í Havyard Group og Anitu Hoffer, CSR-serfrøðingi í Grønlands Arbejdsgiverforening.

Aftur í ár verður spennandi kjak á skránni – hesuferð um skattanýskipan. Til at kjakast um hetta evnið hava vit fingið Ben Arabo, stjóra í Atlantic Petroleum, Gudny Langgaard, stjóra í Vodafone og Kára Petersen, búskaparfrøðing. Kjakið verður stýrt av Stefan í Skorini og Jón Brian Hvidtfeldt.

Tilmelding til Vinnudagin fer fram á www.industry.fo