Í juni fáa føroyskar fyritøkur høvi at kanna nýggjar møguleikar á einum av týdningarmestu marknaðunum í Asia
Mikudagin 29. apríl er seinasta freist at melda til almennu vinnuferðina til Suðurkorea, sum Vinnuhúsið skipar fyri í døgunum 7.-12. juni 2026.
Les meira um ferðina her.
Endamál
Ferðin verður fyriskipað í samstarvi við Uttanríkistænastuna og DI Suðurkorea, og endamálið er at styrkja sambondini millum føroyskt og suðurkoreanskt vinnulív. Samstundis skal ferðin skapa betri møguleikar fyri samstarvi, útflutningi og handli millum londini.
Ein týðandi partur av ferðini verður altjóða matvørumessan Seoul Food Expo, har føroysku fyritøkurnar fáa høvi at hitta viðkomandi samstarvspartar og kanna møguleikar á suðurkoreanska marknaðinum. Í ferðaskránni er eisini vitjan í Busan, sum er ein av týdningarmestu havna- og ídnaðarbýunum í Suðurkorea.
Suðurkorea er ein týðandi marknaður fyri fiskavørur, men møguleikarnir røkka eisini longri enn til matvørur. Landið hevur sterkar vinnugreinar innan fyri eitt nú tøkni, skipasmíð, havnir og flutning, og tí kann ferðin vera viðkomandi fyri fleiri partar av føroyskum vinnulívi.
Tilmelding
Tilmelding fer fram við at venda sær til Sensen Travel á booking@sensen.fo ella 618080 skjótast til ber.
Eru spurningar ella tørvur á nærri kunning ber til at seta seg í samband við Øssur M. Dalbúð, ráðgeva í Vinnuhúsinum, á ossur@industry.fo ella 739911.
