342021150 521340210022694 3774868853298473622 N

Semja millum Føroya Arbeiðsgevarafelag og Flogskiparafelag Føroya – verkbannið avlýst

01. mai. 2023 | Tíðindi | Sáttmálasamráðingar | Samhandil

Fyrrapartin varð semja undirskrivað millum Føroya Arbeiðsgevarafelag og Flogskiparafelag Føroya. Tiskil verður einki verkbann, og flúgvingin hjá Atlantsflog heldur fram sum vant.

Flogskiparafelag Føroya og Føroya Arbeiðsgevarafelag hava í dag bæði góðtikið triðja semingsuppskotið, sum semingsmaðurin legði fyri partarnar fríggjadagin 28. apríl, og skrivaðu partarnir í dag mánadagin 1. Mai undir semju á skrivstovuni hjá semingsmanninum. Flogskiparafelagið sendi semingsuppskotið til uratkvøðu millum limirnar, og ein stórur meiriluti tók undir við uppskotinum.

Semjan hevur við sær, at sáttmálin, sum fór úr gildi 1. apríl 2023 verður endurnýggjaður við ávísum broytingum. Nýggi sáttmálin verður galdandi frá 1. apríl 2023 til 31. Mars 2025, tó at summar broytingar í sáttmálanum fáa gildi 1. November 2023.

Sum partur av semjuni hækkar lønin 1. apríl 2023 við 3,8% og 1. apríl 2024 við 4,04%. Hetta er á sama støði sum í øðrum sáttmálum, sum eru gjørdir á privata arbeiðsmarknaðinum í hesum samráðingarumfarinum.

Annað á breddanum

  1. Rætting til grein í Frihedsbrevet um lønir hjá Atlantic Airways

    Í grein frá 8. juli viðger Frihedsbrevet sáttmálalønirnar hjá flogternum. Greinin er tó grundað á skeiv tøl og er tískil ikki eftirfarandi.

    12. Juli. 2024
    AA Mynd
  2. Netverkstiltak um burturkast og ringbúskap

    Tann 11. september skipar Føroya Arbeiðsgevarafelag fyri innleiðandi netverkstiltaki um burturkast og ringbúskap. Tiltakið er ætlað fyritøkum, ið vilja gerast partur av netverki, ið arbeiðir við burðardygd

    08. Juli. 2024 | Almenn tíðindi
    Burturkast 1
  3. Set kross í kalendaran til Vinnudagin 2024

    Vinnudagurin 2024 verður fríggjadagin tann 20. september í Norðurlandahúsinum

    08. Juli. 2024 | Almenn tíðindi
    VD 24 Save The Date Industry.Fo