Nýggj semja er gjørd um lønar- og sáttmálaviðurskiftini hjá føroyskum flogteknikarum

Føroya Arbeiðsgevarafelag og Føroya Handverksmeistarafelag gjørdu 3. september semju við Føroya Handverkarafelag og Føroya Flogteknikarafelag um nýggjan sáttmála fyri flogteknikarar.

Semjan ber við sær, at lønirnar hækka við 3,95 prosentum 1. oktober 2026 og síðani við 4,00 prosentum 1. oktober 2027.

Samlaði lønarkarmurin í sáttmálaskeiðinum er sostatt 7,95 prosent.

Karmurin er á sama støði sum í øðrum semjum, ið Føroya Arbeiðsgevarafelag hevur gjørt í verandi samráðingarrundu, sum byrjaði við samráðingunum við arbeiðarafeløgini.