Fríggjadagin 15. apríl undirskrivaðu Føroya Arbeiðsgevarafelag og ávikavist SFS og YT, sum eru fakfeløgini hjá starvsfólkum í Eik Banka, sparikassunum, Elektron, Tryggingarfelagnum Føroyar og Føroya Lívstrygging, og Finansforbundet, sum er fakfelagið hjá starvsfólkum í BankNordik og Trygd, undir nýggjan tvey-ára sáttmála.

Mest grundleggjandi broytingin av sáttmálunum er, at partarnir eru samdir um, at egingjaldið til eftirløn verður flutt til arbeiðsgevarin at gjalda.

Hetta hevur við sær broytingar í mun til løn og eftirløn, sum afturat einum yvirflytingarfaktori, orsakað at eftirlønargjaldið verður flutt til arbeiðsgevarin at gjalda, gevur ein samlaðan karm á 1,25 % í 2011 og 2,37 % í 2012.