Føroya Arbeiðsgevarafelag og YTF hava í dag skrivað undir nýggjan tvey ára sáttmála fyri starvsfólk í peningastovnum og tryggingarfeløgum

Semja er um eina lønarhækking tann 1. mai 2023 á 3,80% og tann 1. mai 2024 á 4,04%. Hetta er á sama støði sum í øðrum sáttmálum, sum eru gjørdir á privata arbeiðsmarknaðinum í hesum samráðingarumfarinum hjá Føroya Arbeiðsgevarafelag.

Harumframt eru partarnir samdir um at skilja sáttmálan sundur fyri peningastovnar og tryggingarfeløg í sáttmálaskeiðnum.