Nevndin í Havnar Handverksmeistarafelag hevur skipað seg, og Sigtór Petersen er nýggjur formaður
Eftir aðalfundin í Havnar Handverksmeistarafelag hevur nevndin skipað seg av nýggjum. Sigtór Petersen varð valdur til formann og stendur nú á odda fyri arbeiðinum at umboða og menna áhugamálini hjá handverksvinnuni í høvuðsstaðnum.
Í sambandi við aðalfundin eru eisini nýggj andlit komin í nevndina. Sjúrður Jacobæus, annlegsgartnari, og Sigmund Sørensen, snikkari, eru valdir í nevndina og fara saman við hinum nevndarlimunum at arbeiða víðari fyri at styrkja felagið og karmarnar hjá handverksvinnuni.
Magnus Magnussen heldur fram sum næstformaður, og Kartin Lenvig heldur eisini fram sum nevndarlimur.
Nevndin ynskir samstundis at takka fráfarandi nevndarlimunum, Torbjørn Hansen og Jón Sigurðsson, fyri tað stóra arbeiðið, teir hava lagt í felagið gjøgnum árini. Við sínum íkasti hava teir verið við til at menna og styrkja bæði felagið og arbeiðið hjá handverksmeistarum.
Karstin Vang, sum hevur verið tiltakslimur, tók ikki við afturvali. Í hansara stað eru Kjartan á Dul og Tummas Pauli Mohr valdir sum nýggir tiltakslimir.
Eftir skipanina er nevndin í Havnar Handverksmeistarafelag soleiðis samansett: Sigtór Petersen er formaður, Magnus Magnussen er næstformaður, og nevndarlimir eru Kartin Lenvig, Sjúrður Jacobæus og Sigmund Sørensen. Tiltakslimir eru Kjartan á Dul og Tummas Pauli Mohr.
Nevndin fer nú undir arbeiðið at fremja áhugamálini hjá handverksmeistarum og styrkja karmarnar hjá handverksvinnuni í Havn.
