Rgf

Skeið í Ydelsesbeskrivelse um burðardyggar veitingar í byggiverkætlanum

19. august. 2024 | Tíðindi | Ráðgevaravinna

Ráðgevarafelagið skipar tann 16. september 2024 fyri dagsskeiði um burðardyggar veitingar í byggivinnuni.

Í 2022 kom eitt ískoyti til YB um burðardyggar veitingar. Ískoyti er skrivað av Foreningen for Rådgivende Ingeniører (FRI), Danske Arkitektvirksomheder og Byggeherreforeningen. Ískoyti er lagt afturat Ydelsesbeskrivelse for byggeri og Landskab 2018 og Ydelsesbeskrivelse for byggeherrerådgivning 2019, og gevur ráðgevum og byggiharrum eitt sterkari avtalugrundarlag fyri samstarvi um samfelagsliga-, umhvørvisliga- og fíggjarliga burðardygd í byggiverkætlanum. Skeiði er ein gjøll gjøgnumgongd av burðardygga ískoytinum. Fari verður í gjøgnum mannagongdir, hugtøk, avtalur og viðurskifti ið krevja serligt uppmerksemi. Harafturat verður møguleiki fyri at læra hvussu tú á ein munadyggan hátt kanst brúka ískoyti til byggiverkætlanir, so tú er væl íklæddur til at handfara relevantu veitingarnar.

Undirvísarar til skeiði eru Nina Koch-Ørvad og Marlene Hagen Eriksen. Nina Koch-Ørvad er prosjektstjóri hjá Værdibyg og hevur verið við til at orða ítøkiliga ískoyti. Marlene Hagen Eriksen er Sivilverkfrøðingur og hevur verið við í fylgibólkinum fyri menningina av ískoytinum, har hon harumframt hevur royndir við at brúka ískoyti í praksis.

Leinkja til ískoyti er at finna í leinkjuni niðanfyri:

https://www.frinet.dk/vaerktoejer/ydelsesbeskrivelser/tillaeg-om-baeredygtighedsydelser/

Skeiði verður hildi á Panorama, Hafnia og er frá kl. 08.30-15.00 tann 16. September 2024. Kostnaður er 1.950 kr. pr. luttakara, har miðmáli er við í prísinum. Seinasta freist fyri tilmelding er hósdagin 12. september 2024.

Annað á breddanum

  1. Umsitingarkostnaðir eksploderaðu í 2024 orsakað av ES-lóggávu

    Nýggj uppgerð vísir, at í 2024 fingu danskar fyritøkur nýggjar byrðar, sum svara til 18 mia. krónur um árið, frá ES-lóggávu.

    17. Juni. 2025 | Almenn tíðindi
    Flag Europe Map
  2. Fegnast um heilsufrøðiliga góðkenning úr Brasil

    Føroya Ráfiskakeyparafelag fegnast um, at Føroyar hava fingið heilsufrøðiliga landagóðkenning í Brasil.

    17. Juni. 2025
    Heilsufrøðilig Góðkenning Brasil
  3. Varandi Vinna eitt ár á baki

    Eftir einum ári er netverkið Varandi Vinna vorðið ein týðandi pallur fyri samstarvi og samskifti í grøna orkuskiftinum. Higartil eru 32 fyritøkur limir í netverkinum

    17. Juni. 2025 | Burðardygd
    Varandi Vinna Ársfundur