Handverksmeistarafelagið skipar 26. nov og 6. des. fyri skeiði um góðskutrygging og –stýring fyri handverksmeistarar. Skeiðið er býtt upp í tveir hálvar dagar, og ætlanin er so, at skeiðsluttakararnir millum skeiðsdagarnar skulu arbeiða við góðskutryggingingarskipan fyri teirra fyritøku.
Á fyrsta skeiðsdegnum læra skeiðsluttakararnir m.a. um amboð til góðskutryggingararbeiðið í fyritøkuni. Á næsta skeiðsdegnum verða spurningar og ivamál frá skeiðsluttakarunum tiknir upp, og greitt verður frá møguleikunum fyri sertifisering av góðskutryggingarskipanini.
Skeiðshaldari er Símun Hammer frá Virkisráðgeving. Skeiðið er bert fyri limir í Handverksmeistarafelagnum og skeiðskostnaðurin er 500 kr. fyri báðar dagarnar.
Meldast kann til tiltakið við at senda ein teldupost til industry@industry.fo ella við at ringja á 309900 í seinasta lagi mánadagin 25. november kl. 12.00. Avmarkað pláss er, og tá skeiðið er fullteknað, verður stongt fyri tilmeldingum.
Til ber at síggja ein skeiðslýsing við at trýsta her.
