Í heyst skipar Føroya Arbeiðsgevarafelag aftur fyri skeiði um grundleggjandi setanarviðurskifti
Hvat skalt tú sum arbeiðsgevari hava í huga, tá ið tú hevur fólk í starvi? Limafyritøkur í Føroya Arbeiðsgevarafelag og undirfeløgum tess fáa á skeiðnum høvi at kunna seg um tey mest grundleggjandi viðurskiftini í sambandi við setanir og starvsfólkaviðurskifti. Eisini verður høvi at seta spurningar.
Skeiðið verður hildið bæði á føroyskum og enskum:
Týsdagin 20. oktober kl. 14–16 á føroyskum
Mikudagin 21. oktober kl. 14–16 á enskum
Fyri limafyritøkur, sum eru vorðnar limir í Føroya Arbeiðsgevarafelag frá 12. mars 2026 og frameftir, er luttøka á skeiðnum harumframt ein partur av treytunum fyri at fáa limaprógvið endurnýggjað.
Sambært viðtøkunum skal stjórin ella eitt starvsfólk, sum hevur ábyrgd av starvsfólkaviðurskiftum í fyritøkuni, hava tikið lut á skeiði um grundleggjandi setanarviðurskifti.
Føroya Arbeiðsgevarafelag skipar fyri slíkum skeiði tvær ferðir um árið.
Skeiðið er ókeypis, men neyðugt er tó at boða frá luttøku í seinasta lagi mánadagin 19. oktober kl. 13.
Melda til niðanfyri.
