Depositphotos 43697107 XL

Skrásetingin av el-bilum veksur við rúkandi ferð

22. mai. 2023 | Tíðindi | Almenn tíðindi

Skrásetingin av el-bilum er næstan tvífaldað hetta seinasta árið

El-bilarnir fleirfaldaðir eftir fáum árum

Sølan av el-bilum hevur rættiliga tikið dik á seg hesa seinastu tíðina. Fyri 10 árum síðan vóru bert tríggir av gott 20.000 persónbilunum í Føroyum el-drivnir. Í 2019 vóru el-bilarnir komnir upp á 99, men síðan tá er talið av el-bilum meira enn ellivufaldað.

Í byrjanini av 2022 vóru 603 el-drivnir persónbilar skrásettir í Føroyum. Tá vit komu inn í hetta árið var talið næstan tvífaldað til 1.106 el-drivnar persónbilar, og tað er framvegis stórur vøkstur í eftirspurninginum og søluni av el-bilum.

Heldur henda gongdin fram, so fer talið av el-bilum at vera umleið 10.000 um fimm ár, og hetta fer at svara til umleið triðingin av samlaða talinum av skrásettum persónbilum í Føroyum.

Tøknilig menning og størri útboð sett fer á søluna av el-bilum

Fremstu orsøkirnar til stóra vøksturin í skrásettum el-bilum eru tøkniliga menningin og skjótt vaksandi útboði av el-bilum hesi seinastu árini. Í 2018 var vanligt við 20 kWt battaríum, men í dag eru flestu battaríini omanfyri 60 kWt. Tað merkir, at flestu el-bilarnir nú koyra millum 300 og 400 kilometrar upp á eina løðing, ella ein tanga, sum vit vildu sagt um bensin og diesel bilarnar.

Fyri fáum árum síðan var sjáldsamt at síggja el-bilar í úrvalinum hjá stóru og kendu bilverksmiðjunum, men hetta er eisini fullkomiliga broytt. Seinastu árini eru alsamt fleiri el-bilar komnir í úrvali, og tað leggjast alla tíðina fleiri el-bilar afturat úrvalinum av nýggjum bilum á marknaðinum.

Stórur tørvur verður á fleiri el-løðistøðum komandi tíðina

Skjótt vaksandi talið av el-bilum fer at seta stór krøv til útbygging av infrakervinum við løðistøðum til el-bilar, kring alt landið, hesa komandi tíðina.

Annað á breddanum

  1. Nú kunnu øll melda seg til Vinnudagin

    19. september verður Norðurlandahúsið aftur karmur um spennandi fyrilestrar og samrøður á Vinnudegnum 2025

    26. august. 2025
    Heimasíðan Tíðindi
  2. Vinnupolitikkur má ikki telvast í blindum

    Um Føroyar skulu vinna á altjóða talvborðinum, mugu vit spæla okkara egnu leikir. Vit vinna ikki við at kopiera leikir hjá øðrum, tá ið tað ræður um at tryggja kappingarføri Føroya

    26. august. 2025
    2151476060
  3. Turið heldur fram sum forkvinna í AFF

    Nevndin í Arbeiðsgevarafelagnum hjá Fíggjarstovnum í Føroyum hevur skipað seg við verandi nevnd

    26. august. 2025
    Aðalfundur AFF