Veðurlagsbroytingarnar hava við sær at skipaferðslan í Norðuratlantshavinum veksur. Nýggju siglingarleiðirnar norð um Russland og Kanada hava við sær búskaparligar møguleikar og nógv vaksandi ferðslan við cruiseskipum gevur eisini nógvar nýggjar møguleikar.
Eitt eru møguleikarnir, men hetta hevur eisini við sær økt krøv, ikki minst til tilbúgving á sjónum. Tilbúgvingin krevur eisini økt samstarv bæði regionalt og internationalt í økinum.
Hetta er orsøkin til, at Norðurlandaráðið, Útnorðurráðið og NORA skipa fyri ráðstevnuni ”Søberedskab i Nordatlanten”.
Millum evnini, sum verða viðgjørd, eru millum annað nýggja avtalan, sum varð undirskrivað í Nuuk í mai mánaði. Føroyar hava eisini skrivað undir hesa avtaluna. Hvat merkir hendan avtalan, og hvørjar møguleikar gevur hon?
Ráðstevnan verður í Norðurlandahúsinum hósdagin 9. juni.
Lesið meira um ráðstevnuna á heimasíðuni hjá NORA.
