Ráðgevi2
Føroya Arbeiðsgevarafelag

Starv sum samskiftisráðgevi til Vinnuhúsið

25. november. 2024 | Tíðindi | Almenn tíðindi

Føroya Arbeiðsgevarafelag søkir eftir einum samskiftisráðgeva til Vinnuhúsið

Dugir tú at gera, menna og viðlíkahalda eina samskiftisætlan? Trívist tú við at arbeiða skipað við  kunningaruppgávum í samstarvi við onnur? Og dámar tær at arbeiða tætt at vinnulívinum? So hevur tú nú møguleikan at søkja eitt nýtt og spennnandi starv sum samskiftisráðgevi í Vinnuhúsinum!

Føroya Arbeiðsgevarafelag søkir eftir samskitftisráðgeva til Vinnuhúsið. Arbeiðið fevnir í høvuðsheitum um

  • at gera, menna og viðlíkahalda samskiftisætlan fyri Vinnuhúsið
  • at leggja til rættis samskifti og kunning frá Vinnuhúsinum á ymiskum samskiftispallum
  • at skriva tekstir
  • at gera smærri kanningar/greiningar
  • at luttaka í ymiskum verkætlanum í Vinnuhúsinum

Vit vænta, at tú

  • dugir at arbeiða sjálvstøðugt, skipað og miðvíst
  • hevur góð samstarvsevni
  • hevur hóskandi hægri útbúgving. Tað er ein fyrimunur við útbúgving innan samskifti
  • hevur viðkomandi arbeiðsroyndir, har royndir við strategiskum samskifti eru ein fyrimunur
  • hevur kunnleika til føroyska vinnu og umsiting og samfelagsviðurskifti annars
  • dugir væl at orða teg á føroyskum, norðurlendskum og enskum

Vit kunnu lova tær eitt áhugavert starv, í einum mennandi arbeiðsumhvørvi og við góðum starvsfeløgum. Tú gerst partur av einum toymi, har dygd, arbeiðssemi og menning av vitan eru lyklaorð. Løn eftir avtalu.

Vit leggja dent á, at Vinnuhúsið skal vera eitt rúmligt arbeiðspláss, har fólk trívast og hava virðing fyri hvørjum øðrum.

Umsókn við skjølum, merkt ”Starv”, skal vera okkum í hendi í seinasta lagi mánadagin 16. desember á industry@industry.fo.

Ynskir tú at vita meira um starvið, ert tú vælkomin at ringja til stjóran, Niels Winther, tlf. 739906.

Annað á breddanum

  1. Umsitingarkostnaðir eksploderaðu í 2024 orsakað av ES-lóggávu

    Nýggj uppgerð vísir, at í 2024 fingu danskar fyritøkur nýggjar byrðar, sum svara til 18 mia. krónur um árið, frá ES-lóggávu.

    17. Juni. 2025 | Almenn tíðindi
    Flag Europe Map
  2. Fegnast um heilsufrøðiliga góðkenning úr Brasil

    Føroya Ráfiskakeyparafelag fegnast um, at Føroyar hava fingið heilsufrøðiliga landagóðkenning í Brasil.

    17. Juni. 2025
    Heilsufrøðilig Góðkenning Brasil
  3. Varandi Vinna eitt ár á baki

    Eftir einum ári er netverkið Varandi Vinna vorðið ein týðandi pallur fyri samstarvi og samskifti í grøna orkuskiftinum. Higartil eru 32 fyritøkur limir í netverkinum

    17. Juni. 2025 | Burðardygd
    Varandi Vinna Ársfundur