24Jan18 PF9A1214

Starvsfólkavøksturin í tí privata er steðgaður upp

20. januar. 2025 | Tíðindi | Arbeiðsmarknaður

Seinastu 3 árini er starvsfólkatalið í tí privata nærum óbroytt. Í sama tíðarskeiði er starvsfólkatalið undir almennum ræði økt við útvið 1000 starvsfólkum

Frá november 2021 til november 2024 er talið á starvsfólki undir privatum ræði (innanlands og uttanlands ræði) nærum óbroytt. Heilt neyvt er tað minkað við 17 starvsfólkum1.

Sostatt er tann vøksturin, sum hevur verið í starvsfólkatalinum í tí privata í 2010’unum, steðgaður upp seinastu árini. Tað kann vera ein ábending um, at føroyskar fyritøkur ikki hava umstøðurnar til at økja um virksemið og skapa nýggj lønandi størv.

Almenna starvsfólkatalið spolar avstað

Hagtølini vísa somuleiðis, at hóast starvsfólkatalið í tí privata stagnerar, økist starvsfólkatalið í tí almenna áhaldandi. Frá november 2021 til november 2024 er talið á starvsfólkum undir almennum ræði økt við útvið 1000 fólkum[1]. Gott helvtina av vøkstrinum eiga føroysku kommununar, men landið smæðist heldur ikki burtur.

Ein minni partur av vøkstrinum stavar frá feløgum undir almennum ræði. Hetta eru eitt nú feløg, sum tað almenna eigur, men sum selja sínar vørur og tænastur á einum marknaði.

Men hóast vit taka hesi feløg burturúr, er vøksturin í starvsfólkatalinum hjá kommunum og hjá landinum framvegis 8-900 starvsfólk.

[1] Hagsstova Føroya, talva STF01010

Mynd: Ólavur Frederiksen / Faroephoto

Annað á breddanum

  1. Finnland og Danmark lækka partafelagsskattin

    Finnland lækkar partafelagsskattin til 18% við ársskiftið, og Danmark ætlar at lækka hann til 19% í stigum

    17. november. 2026 | Almenn tíðindi
    Finland Denmark Flags
  2. Enn eitt avgjald á føroyskar arbeiðsgevarar – hesaferð fyri lønarflytingar

    Ætlanin er, at føroyskir arbeiðsgevarar framyvir skulu gjalda eitt avgjald fyri hvørja lønarflyting. Føroya Arbeiðsgevarafelag mælir frá at samtykkja avgjaldið

    17. november. 2026 | Arbeiðsmarknaður
    Vinnuhusid 4
  3. Frídagar um jólini – hvat er galdandi?

    Fá yvirlit yvir frídagar um jólini og nýggjárið, og hvussu arbeiði hesar dagar verður lønt

    17. november. 2026 | Arbeiðsmarknaður
    Frídagar Um Jólini 26