Í februar skipaði Vinnuhúsið, saman við Dátueftirlitinum, fyri skeiði í GDPR fyri limafyritøkum í Vinnuhúsinum. Øll 4 skeiðini vóru fullteknað.

Tóri Højgaard, stjóri í Dátueftirlitinum, greiddi á skeiðnum frá dátuverndarlógini og hvat skal til, fyri at dátuverndarlógin verður hildin. Limafyritøkurnar fingu vegleiðing og amboð til at byrja sítt arbeiði við GDPR og víst varð í tí sambandi á 7 umráðandi stig til at halda dátuverndarlógina. Skeiðini vórðu hildin í Saltangará, Klaksvík og tvey í Havn. Seinni í ár verður skipað fyri skeiði í Suðuroy.