Fyrr í ár skrivaðu Viðskiftaráð Islands og Føroya Arbeiðsgevarafelag undir yvirlýsing um, at stovnað verður føroyskt- íslendskt handilskamar til heystar. Fyrireikingarnar eru nú komnar á mál og kallað verður inn til aðalfund 10. nov. kl. 15.00.

Allar fyritøkur, feløg, stovnar og einstaklingar, sum hava áhuga í at vera við til at menna handilssamstarvið millum Føroyar og Ísland eru vælkomin at melda seg inn í handilskamari. Tilmeldingarskjal kann takast niður her.

Limagjaldið í føroyska-íslendska handilskamarinum er 800 kr fyri einstaklingar, 2.500 kr fyri fyritøkur við minni enn 50 starvsfólkum og 3.500 kr fyri fyritøkur við fleiri 50 starvsfólkum.

Í sambandi við stovnanina av handilskamarinum, er eisini ein búmerkjakapping, les meir um tað her.

Føroya Arbeiðsgevarafelag                                                                 Viðskiptaráð Íslands

Marita Rasmussen                                                                              Kristin S. Hjálmtýsdóttir