Nýggja netverkið, Varandi Vinna, hevur stovnandi fund í Vinnuhúsinum týsdagin 24. September kl 14.
Varandi Vinna er netverk fyri føroyskar fyritøkur, sum vilja samstarva innan burðardygd. Tað er stórur munur á, hvussu langt fyritøkur eru komnar á økinum og fyri at lofta ymiska tørvinum, verður netverkið skipað í tveimum:
- Varandi Vinna, ið er ætlað fyritøkum, ið arbeiða miðvíst við burðardygd og sum vilja seta sær felags krøv
- Varandi Vinna - innleiðsla, ið er fyri fyritøkur, ið eru í holt við at fóta sær á økinum og sum eru við fyri at læra.
Á stovnandi fundinum verður kósin hjá hjá netverkinum umrødd og ein reglugerð verður samtykt. Eisini skal eitt stýrið veljast við trimum umboðum fyri Varandi Vinnu, einum umboði fyri Varandi Vinna – innleiðsla og einum umboði fyri Vinnuhúsið.
Allir limir eru vælkomnir á stovnandi fundin, eisini teir, sum enn ikki hava tikið støðu til luttøku í netverkinum.
