25. november kl. 14:30 skipar Handilsvinnufelagið fyri limatiltaki, har Brúkaraumboðið fer at greiða frá reglunum um talgild gávukort, tilboð og sølufremjandi átøk, og hvat handilsvinnan eigur at vera serliga varin við.
Talgild gávukort verða alsamt meira brúkt, men við teimum fylgja eisini ávísar treytir. Ein týðandi spurningur er, nær talan er um eitt talgilt gávukort, og nær tað ikki er talan um eitt slíkt. Hetta verður eitt av evnunum, sum Brúkaraumboðið fer at lýsa nærri á tiltakinum.
Somuleiðis fer Brúkaraumboðið at greiða frá reglunum um tilboð:
Hvørjar treytir skulu vera loknar, áðrenn ein vøra kann marknaðarførast sum tilboð?
Nær kann handilsvinnan brúka orðið tilboð í sínum samskifti?
Og eru ja takk-tilboð og vanlig tilboð tað sama?
Afturat hesum verður farið ígjøgnum reglurnar um sølufremjandi átøk hjá fyritøkum – t.d. kappingar á sosialum miðlum, samstarv við ávirkarar og onnur tiltøk, sum skulu lúka ávís krøv sambært lógini.
Luttakarar fáa eisini møguleika at seta Brúkaraumboðnum spurningar.
