29. januar 2013 verður temadagur um útbjóðing av ráðgeving fyri øllum áhugaðum.
Útbjóðingarleisturin, ið verður umrøddur, byggir á danskt átak um virðisøking í byggitilgongdini. Átakið snýr seg um menning av allari byggitilgongdini, har millum annað ljós verður varpað á treytir, ið verða settar í sambandi við útbjóðing og samstarv millum mongu partarnar í einari byggitilgongd. Meira kann lesast á www.vaerdibyg.dk
Temadagurin verður týsdagin 29. januar 2013 kl. 09.00 – 15.00 á Hotel Føroyum.
Á skránni verður:
-Kjak um hví onnur viðurskifti enn prísurin eiga at ávirka tillutan av arbeiðum.
-Kunning um Værdibyg
-Góðska sum eitt av avgerandi krøvunum í sambandi við tillutan av arbeiðum.
Fyrilestrahaldarar verða:
Rolf Simonsen, (Sivilverkfr., Ph.D.) dagligur leiðari fyri “Værdibyg”. Hann hevur fleiri ára royndir við bygging og hevur ml.a. verið leiðari í Lean Construction-DK.
Charlotte Nørbak, (Akademiverkfr.) varastjóri hjá COWI. Charlotte Nørbak er royndur fyrilestrahaldari, umframt at hon hevur drúgvar royndir sum byggiharraráðgevi í Føroyum og aðrastaðni.
Tekning fer fram við at gjalda luttøkugjaldið á konto nr. 9181 128.220.6. í Eik. Luttøkugjaldið er kr. 2.000,-. Freist at gjalda er fríggjadagin 11. januar.
Tiltakið er ætlað øllum, ið varða av byggiverkætlanum í almennu umsitingini og privatu vinnuni, og øðrum við áhuga fyri bygging og útbjóðing.
