Á invest.fo er møguleiki fyri at melda til tíðindabræv um Føroyar, sum er skrivað á enskum. Hetta er eitt tíðindabræv, ið hevur til endamáls at kunna útheimin um ymisk føroysk viðurskifti.
Tíðindabrævið kemur 14. hvønn dag og inniheldur fýra tíðindi innan politikk, samfelagsbúskap, mikrobúskap og mentan. Talan er sostatt um eitt tíðindabræv við almennum tíðindum úr Føroyum.
Hetta er tað einasta skipaða tíðindabræv um føroysk viðurskifti til útlandið. Hugsanin aftanfyri er, at áðrenn ein íleggjari kann gera íløgur í Føroyum, má hann/hon kenna til Føroyar. Hvat er Føroyar, hvørjum liva vit av og hvussu eru samfelagsviðurskiftini.
