Kom og fá innlit í, hvussu fyritøkur kunnu brúka LCA (Life Cycle Assessment) til at taka betri avgerðir um tilfarsval og byggja meira burðardygt í Føroyum

Netverkið Varandi Vinna og Føroya Handverksmeistarafelag seta sjóneykuna á LCA, sum er eitt amboð, ið ger tað møguligt at meta um umhvørvisávirkanina av tilfari.

Á tiltakinum fer Jón Jacobsen, umhvørvisverkfrøðingur við drúgvum royndum í LCA-greiningum, at greiða frá, hvussu vit í kunnu brúka LCA til at taka væl grundaðar avgerðir um tilfarsval og á tann hátt byggja meira burðardygt.

Endamálið er at geva luttakarunum grundleggjandi innlit í, hvat LCA er, og hvussu úrslitini kunnu tulkast og brúkast.

Luttakararnir fáa eisini innlit í munin á LCA og EPD (Environmental Product Declaration) og í, hvussu hesi verða brúkt í verki; eitt nú í projektering, útboðstilfari og krøvum til innkeyp.

Tiltakið er ókeypis og ætlað øllum pørtum í byggivinnuni - eitt nú byggiharrum, ráðgevum og arbeiðstakarum.

Stað: Vinnuhúsið
Dagur: 8. oktober 2026
Klokkan: 14.00–15.30

Melda til her: